Requisitos para ser socio
Os requisitos para poder darse de alta en Terras Irmãs como novo socio son:
- Para adquirir a condición de persoa asociada requírese ser persoa física ou xurídica e ter interese no desenvolvemento dos fins da asociación.
- As persoas físicas deben ser maiores de idade ou menores emancipadas con capacidade de obrar e non estar suxeitas a inhabilitación ou condición legal para o exercicio do dereito.
- As persoas menores de máis de 14 anos non emancipadas necesitan o consentimento, documentalmente acreditado, das persoas que deban suplir a súa capacidade.
- As persoas xurídicas de natureza asociativa requirirán o acordo expreso do seu órgano competente, e as de natureza institucional, o acordo do seu órgano reitor.
Para ser membro da Asociación Terras Irmãs, débese aboar unha cota de ingreso de 20€. Ese pagamento é único e para pertencer á Asociación non se debe abonar ningún outro custe de mantemento anual.
Solicitude de alta
Para darse de alta como novo socio, unha vez cumpridos os requisitos anteriores, débense cubrir os datos seguintes e proceder ao seu envío. Unha vez recibidos os seus datos e revisados por parte da Asociación, será contactado por un membro da Xunta Directiva para proceder ao pagamento da cota de alta. Ata que non sexa recibido o pagamento da cota, non se considerará o ingreso do socio na Asociación Terras Irmãs.
Unha vez remitidos os datos e efectuado o pagamento da cota única, será contactado pola Asociación para confirmar a súa condición de socio.