A Asociación en cifras…
Somos unha asociación pequena e constituída hai pouco tempo, polo que as nosas cifras non son esmagadoras. Con todo, esforzámonos día a día para crecer. Precisamos da túa axuda para que estas cifras continúen a aumentar.
Anos de antigüidade
Socios
Actividades desenvolvidas
Captación de fondos
Sen ánimo de lucro
Somos unha organización de tipo asociativa e sen ánimo de lucro.
Os beneficios que a asociación obteña por calquera concepto van ser destinados exclusivamente para o cumprimento dos fins recollidos nos estatutos da asociación, sen que se poidan repartir entre as persoas asociadas nin outras persoas físicas ou xurídicas con interese lucrativo.
Personalidade e capacidade
A asociación ten personalidade xurídica propia e plena capacidade de obrar, podendo realizar todos aqueles actos que sexan necesarios para o cumprimento da finalidade para a que foi creada, en conformidade co estabelecido no ordenamento xurídico.
O ámbito territorial no que a asociación vai desenvolver principalmente as súas actividades é a Comunidade Autónoma de Galicia, fomentándose a interacción con Portugal e resto de países lusófonos.
Finalidade da asociación
Son fins principais da asociación, sen que teñan carácter limitativo ou restritivo:
- Promover entre os seus asociados a participación en eventos de tipo cultural, didáctico e formativos, no que respecta ao coñecemento e profundización da lingua e da cultura portuguesa e dos países lusófonos.
- Fomentar relacións de colaboración con outras entidades con finalidades comúns, tanto de ámbito galego como portugués.
- Requerir aos poderes públicos o cumprimento da normativa vixente relativa ao idioma, recabando a atención e axuda que este merece.
- No xeral, todos os servizos e actividades que contribúan para o mellor cumprimento dos fins da asociación.
